प्रि-क्वाटरफाइनलमा बायर्नसँग पिएसजी स्तब्ध

काठमाडौँ । पेरिस सेन्ट जर्मेन (पिएसजी) प्रि-क्वाटरफाइनलको पहिलो लेगमा पराजित भएको छ । युइएफए च्याम्पियन्स लिग अन्तरगत प्रि-क्वाटरफाइनलको पहिलो लेगमा पिएसपी जर्मन क्लब बायर्न म्युनिखसँग १-० ले पराजित भएको हो ।

बायर्नको जितमा किङ्सले कोमानले गरेको गोल नै निर्णायक बन्यो । पार्क डेस प्रिन्सेसमा राति भएको खेलमा प्रतिस्पर्धात्मक खेलमा उनले ५३औं मिनेटमा अलफन्सो डाभिसको पासमा गोल गर्न सफल भएका थिए ।

८२औं मिनेटमा केलियन एमबाप्पेले गोल गरेपनि भिएआरबाट मान्यता नपाउँदा पिएसजीले हार बेहोर्न पुग्यो । पिएसजीले चोटबाट पूनरागमन गर्ने प्रयासमा रहेका लियोनेल मेस्सी र केलियन एमबाप्पेलाई खेलाएपनि सफलता हात पार्न सकेन । अब दोस्रो लेग बायर्नको मैदानमा अर्को साता आयोजना हुँदैछ ।