अस्पतालको बेडमा रहेका चन्द्र भण्डारीले गुमाए आमा

काठमाडौँ । ग्यास सिलिन्डर विस्फोटबाट घाइते भएकी कांग्रेस सांसद चन्द्र भण्डारीकी आमा हरिकला भण्डारीको निधन भएको छ । कीर्तिपुर अस्पतालमा उपचारको क्रममा ८७ वर्षीया आमा हरिकलाको १०:५८ बजे निधन भएको हो ।

आमासँगै घाइते भएका नेता भण्डारीको भने उपचार भइरहेको छ । कीर्तिपुर क्लिफ्ड एण्ड बर्न सेन्टरमा उपचार गराइरहेका भण्डारीको अवस्था जटिल बन्दै गएको उपचारमा संलग्न चिकित्सकले बताएका छन् । उनलाई थप उपचारका लागि भारतको मुम्बईस्थित नेसनल बर्न सेन्टरमा लैजाने तयारी गरिएको छ ।

गएराति बुद्धनगरस्थित घरमा ग्यास विस्फोट भएर आगलागी हुँदा आमा घाइते भएको र बचाउन जाँदा सांसद भण्डारी पनि घाइते भएको बताइएको छ ।

• सम्बन्धित समाचार
  चन्द्र भण्डारीलाई मुम्बई लैजाने तयारी, सभापति देउवा पुगे कीर्तिपुर अस्पताल
  चन्द्र भण्डारी आमाछोराको अवस्था जटिल, चिकित्सकले गरे देशबाहिर लैजान सिफारिस
  ग्यास सिलिन्डर पड्किँदा चन्द्र भण्डारी र उनकी आमा घाइते, कीर्तिपुरमा उपचार हुँदै