नेपालले भारतलाई दोस्रो खेलमा पनि रोक्यो

काठमाडौँ । नेपाली राष्ट्रिय महिला फुटबल टिमले भारतसँगको दोस्रो मैत्रीपूर्ण खेल बराबरी खेलेको छ । शनिबार सम्पन्न खेलमा नेपाल र भारत गोलरहित बराबरी खेलेका हुन् ।

नेपालले यस अघि फेब्रुअरी १५ मा खेलेको भारतसँगको मैत्रीपूर्ण खेलमा पनि २-२ को बराबरी गरेको थियो । भारतविरुद्धको फिफा मैत्रीपूर्ण खेल अन्तर्गतका यी दुई खेलमा नेपालले भारतविरुद्ध उत्कृष्ट प्रदर्शन गरेको छ ।

पहिलो खेलमा खेलको अन्तिम मिनेटमा दुई गोल गर्दै भारतको जितलाई बराबरीमा बदलेको थियो भने दोस्रो खेलमा पनि उत्कृष्ट खेल खेल्दै भारतलाई बराबरीमा रोकेको छ ।