म्यानचेस्टर युनाइटेडको सानदार जित

काठमाडौँ । ईङलिश प्रिमियर लिग अन्तर्गत म्यानचेस्टर युनाइटेडले लेस्टर सिटीमाथि शानदार जित हासिल गरेको छ । आइतबार राति सम्पन्न खेलमा म्यानचेस्टर युनाइटेडले लेस्टर सिटीलाई ३-० गोल अन्तरले पराजित गरेको हो ।

म्यानचेस्टर युनाइटेडको जितमा मार्कस राशफोर्डले दुई गोल गरेका थिए भने जाडोन सान्चोले एक गोल गरेका थिए । राशफोर्डले यस सिजनमा म्यानचेस्टर युनाइटेडका लागि अहिलेसम्मकै धेरै २४ गोल गरेका छन् । यस अघि उनले २०१९-२० सिजनमा कुल २२ गोल गरेका थिए ।

यो जितपछि म्यानचेस्टर युनाइटेडको २४ खेलमा ४९ अंक भएको छ र लिगमा तेस्रो स्थानमा रहेको छ । लेस्टर सिटीको २३ खेलमा २४ अंक रहेको छ र लिगमा १४औं स्थानमा छ ।