घरेलु मैदानमै रियल म्याड्रिडसँग ५-२ ले हार्‍यो लिभरपुल

काठमाडौँ । च्याम्पियन्स लिग अन्तर्गत राउण्ड १६ को पहिलो लिगमा रियल म्याड्रिडले लिभरपुललाई फराकिलो अन्तरले पराजित गरेको छ । गएराती लिभरपुलको घरेलु मैदान एनफिल्डमा सम्पन्न खेलमा रियल म्याड्रिडले लिभरपुललाई ५-२ गोल अन्तरले पराजित गरेको हो ।

रियल म्याड्रिडको जितमा भिनिसियस जुनियर र करिम बेन्जमाले २-२ गोल गरेका थिए भने इडर मिलिताओले एक गोल गरेका थिए । त्यसैगरी लिभरपुलका लागि डरविन नुनेजले एक गोल गरेका थिए भने मोहमद सलाहले एक गोल गरेका थिए ।

यस खेलमा २-० गोल अन्तरले पछि परेको रियल म्याड्रिडले कम्ब्याक गर्दै ५ गोल गरेको थियो । अब राउण्ड १६ को दोस्रो लिग आगामी मार्च १६ मा रियल म्याड्रिडको घरेलु मैदानमा हुनेछ ।