केपी ओली कपको उद्घाटन खेलमा पुलिस र सातदोबाटोबीच प्रतिस्पर्धा

काठमाडौँ । केपी ओली कप फुटबल प्रतियोगिता आजदेखि सुरु हुँदैछ । च्याम्पियनसिपको पहिलो खेलमा सहिद स्मारक ‘ए’ डिभिजन लिगका दुई प्रतिद्वन्द्वी नेपाल पुलिस क्लब र सातदोबाटो यूथ क्लब भिड्ने छन् ।

एन्फा कम्प्लेक्स सातदोबाटोमा हुने उद्घाटन खेल दिउँसो ३ बजे सुरु हुनेछ । प्रतियोगितामा ‘ए’ डिभिजन क्लबका ७ र एक आयोजक टोली केपी ओली एफसी गरी ८ टिमले प्रतिस्पर्धा गर्ने छन् ।

यस प्रतियोगितालाई ‘ए’ डिभिजन क्लबले लिगको तयारीको रूपमा लिएको छ । उपाधि भन्दा पनि क्लबले लिगको तयारीको रूपमा प्रतियोगितालाई हरेको छ । शीर्ष डिभिजनको लिग फागुन १९ बाट सुरु हुँदैछ ।