मार्टिनेलीको गोलमा आर्सनल शीर्ष स्थानमा

काठमाडौं । इंग्लिस प्रिमियर लिग फुटबलमा शीर्ष स्थानको आर्सनलले जित निकालेको छ । शनिबार राति भएको खेलमा आर्सनलले लेस्टर सिटीलाई १-० गोल अन्तरले हराएको हो ।

आर्सनलको जितमा गाब्रिएल मार्टिनेलीले निर्णायक गोल गरे । उनले दोस्रो हाफको शुरु ४६औं मिनेटमा लियान्द्रो ट्रोससार्डको पासमा गोल गर्न भएका थिए ।

यस जितसँगै शीर्षस्थानमा रहेको आर्सनलको २४ खेलबाट ५७ अंक पुग्दा एक खेल बढी खेलेको सिटीलाई २ अंकले पछि पारेको छ । सिटीको ५५ अंक छ । पराजित लेस्टर २४ अंक जोडेर १४औं स्थानमा छ ।