म्यानचेस्टर युनाइटेडको फराकिलो जित

काठमाडौँ । युइएफए युरोपा लिग अन्तर्गत राउण्ड १६ को पहिलो लिगमा म्यानचेस्टर युनाइटेडले स्पेनिस क्लब रियल बेटिसलाई पराजित गरेको छ । गएराती सम्पन्न खेलमा म्यानचेस्टर युनाईटेडले रियल बेटिसलाई ४-१ गोल अन्तरले पराजित गरेको हो ।

म्यानचेस्टर युनाइटेडको जतिमा मार्कश राशफोर्ड, एन्टोनी, ब्रुनो फर्नान्डेज र वोउट वेगवोर्स्टले एक/एक गोल गरेका थिए । त्यस्तै रियल बेटिसका लागि एयोजे पेरेजले एक गोल फर्काएका थिए ।

योसँगै पहिलो लिगमा म्यानचेस्टर युनाइटेडले ४-१ को अग्रता लिएको छ । अब दोस्रो लिग मार्च १६ मा रियल बेटिसको घरेलु मैदानमा हुने छ ।