एसईई परीक्षा शुरु भएलगत्तै प्रश्नपत्र ‘आउट’

जनकपुरधाम । बारामा एसईई परीक्षा शुरु भएलगत्तै अंग्रेजी विषयको प्रश्नपत्र बाहिरिएको भएको छ । आदर्श कोतवाल गाउँपालिकामा पर्ने महेन्द्र आदर्श जयनगर च्यूटाँहा माध्यमिक विद्यालयमा रहेको परीक्षा केन्द्रबाट प्रश्नपत्र बाहिरिएको भएको हो ।

प्रश्नपत्र कसले ‘आउट’ गरेको विषयमा केही खुल्न सकेको छैन । बाराका प्रमुख जिल्ला अधिकारी नवराज सापकोटाले पनि प्रश्नपत्र बाहिरिएको जानकारी पाएको बताए । उनले भने, ‘परीक्षा सुरु भएको १५ मिनेटभित्रै प्रश्नपत्र बाहिर आयो । च्यूटाँहा मावि परीक्षा केन्द्रका केन्द्राध्यक्षले यहाँबाट आउट नभएको भनेका छन् । हामी अनुसन्धानमा लागेका छौँ ।’

केन्द्राध्यक्ष र गार्डमा बसेको शिक्षकहरूको लापरबाहीले सामाजिक सञ्जालमार्फत परीक्षार्थीले नै प्रश्नपत्र बाहिरिएको हुनसक्ने अनुमान छ ।