रुख ढल्दा हाँगा लागेर महिलाको मृत्यु

काठमाडौँ । झापामा हावाहुरी सहित आएको असिनापानीका कारण एकजनाको मृत्यु भएको छ भने एकदर्जनभन्दा बढिलाई घरबार विहीन बनाएको छ ।

प्रहरीका अनुसार शुक्रबार साँझ हावाहुरी चल्दा रुखको हाँगा भाँचिएर लाग्दा घाइते बनेकी दमककी ४० बर्षीया सिलाई धिमालको उपचारको क्रममा मृत्यु भएको हो ।

दमक ४ तारावारीको अर्नाखाडीमा भन्ने ठाँउकी स्थानीय धिमाललाई रुखको हाँगाले लागेपछि गम्भिर घाइते भएकी थिइन् । उनलाई तत्कालै उपचारका लागि अस्पताल लगिएको थियो । तर शनिबार उनको मृत्यु भएको हो ।

जिल्ला प्रहरी कार्यालय झापाका अनुसार झापाको बिभिन्न पालिकाहरुमा घरका छना उडाएको, कच्चा घरहरु भत्काएको, उद्योगहरुमा भएका टिनका छानाहरु दुलो पारेको र उडाएको सूचना आइरहेको छ । क्षतिको विवरण आउने र संकलन गर्ने कार्य जारी रहेको प्रहरीको भनाई छ ।