सयौँ सवारी लर्को लगाएर शक्ति प्रर्दशनसहित उपेन्द्र यादवले दर्ता गरे उम्मेदवारी

जनकपुरधाम । बारा क्षेत्र नम्बर २ बाट जनता समाजवादी पार्टी (जसपा)का अध्यक्ष उपेन्द्र यादव उम्मेदवारी दर्ता गराएका छन् ।

बाराको कलैयास्थित जिल्ला समन्वय समितिको कार्यालयमा रहेको मुख्य निर्वाचन अधिकृतको कार्यालय पुगेर जसपा अध्यक्ष यादव उम्मेदवारी दर्ता गराएका हुन् । उनी विशाल जुलुससहित उम्मेदवारी दर्ता गराउन पुगेका थिए ।

अध्यक्ष यादवले निकालेको जुलुसमा ठूलो संख्यामा नेता कार्यकर्ता सहभागी थिए । सैयौं सवारी साधन उतारेर जसपाले शक्ति प्रदर्शन गरेको छ ।

४ मंसिरको निर्वाचनमा सप्तरी २ बाट पराजित यादवले संसद छिर्ने बाटो खोज्दै बारा २ मा उम्मेदवारी दिन पुगेका हुन् ।