इन्द्र सरोवरको ४५ फिट गरिराईबाट निकालियो बेपत्ता युवाको शव

काठमाडौँ । मकवानको इन्द्रसरोबर गाउँपालिका १ मा पर्ने इन्द्रसरोबरको ४५ फिट गहिराईबाट सशस्त्र प्रहरीको गोताखोर टोलीले वेपत्ता भएका एक युवाको शव निकालेको छ ।

ईन्द्रसरोवरमा ¥याफ्टिङ्ग गर्ने क्रममा बेपत्ता भएका काठमाडौँ जिल्ला दक्षिणकाली नगरपालिका ३ बस्ने ३५ वर्षीय राजकुमार सुवेदीको शव निकालिएको शशस्त्र प्रहरीका प्रवक्ता प्रहरी नायव उपरीक्षक शैलेन्द्र थापाले बताए ।

सशस्त्र प्रहरी बल नेपाल नम्बर २० विपद् उद्दार गण काठमाडौँबाट गएको गोताखोरले बुधबार सुवेदीको शव निकालेको हो ।

गत मंगलबार र्याफ्टिङ गर्ने क्रममा तालमा हामफाली उनी बेपत्ता भएका थिए ।