सनराइज बैंकले नेपाल प्रहरीका विद्यालयलाई दियो करिब ७० लाखको छात्रवृति

काठमााडैँ । सनराइज बैंकले नेपाल प्रहरी विद्यालयमा अध्ययनरत जेहेन्दार विद्यार्थीलाई बैंकको संस्थागत सामाजिक उत्तरदायित्वअन्र्तगत ६९ लाख ८० हजार ६ सय ३४ छात्रवृत्ति रकम सहयोग गरेको छ । बैंकले संस्थागत सामाजिक उत्तरदायित्वअन्तर्गत नेपाल र नेपाली जनताको लागि तत्पर भएर लाग्ने नेपाल प्रहरीका विभिन्न ८ वटा विद्यालयमा अध्ययन गर्ने बहालवाला, अवकाश प्राप्त, अमर सहिद एवम् अशक्त प्रहरीका जेहेन्दार सन्ततिलाई उत्प्रेरणा गर्ने उद्देश्यले १५ जना विद्यार्थीलाई कक्षा ४ देखि १२ सम्म अध्ययन गर्न सहयोग स्वरुप छात्रवृति प्रदान गरेको बैंकले जनाएको छ ।

प्रहरी प्रधान कार्यलय नक्सालमा बुधबार एक समारोहकाबीच सम्झौता पत्रमा हस्ताक्षर भएको हो । नेपाल प्रहरी शैक्षिक छात्रवृतिसम्बन्धी समझदारी पत्रमा बैंकका नायब महाप्रबन्धक रविनकुमार नेपाल र नेपाल प्रहरीका वरिष्ठ उपरीक्षक केदार ढकालले हस्ताक्षर गरेका छन् ।

कार्यक्रममा बैंकबाट प्रमुख कार्यकारी अधिकृत सुमन शर्मा, नायब प्रमुख कार्यकारी अधिकृत आरती राज्यलक्ष्मी राणा, नायब महाप्रबन्धक रविनकुमार नेपाल, नेपाल प्रहरीका महानिरिक्षक वसन्तबहादुर कुँवर, नेपाल प्रहरीका विशिष्ट व्यक्तित्वहरु तथा बैंकबाट उच्च पदाधिकारीको उपस्थिति थियो ।

यस छात्रवृति कार्यक्रमले नेपाल प्रहरीका विभिन्न स्कुलमा अध्ययन गरिरहेका नेपाल प्रहरीका जेहेन्दार छोराछोरीलाई अझ अघि बढ्नको लागि थप प्रेरणा मिल्ने बैंकका प्रमुख कार्यकारी अधिकृत श्री सुमन शर्माले बताए ।

संस्थागत सामाजिक उत्तरदायित्वलाई प्राथमिकता दिदैं सनराइज बंैकले देशव्यापी रुपमा शिक्षा, स्वास्थ्य, बैंकिङ्ग साक्षयरता, वातावरण संरक्षण लगायतका विषयमा चरणबद्ध रुपमा कार्यक्रमहरु गर्दै आइरहेको छ । बैंकले संस्थागत सामाजिक उत्तरदायित्व अन्तर्गत गत वर्ष मात्र १५० भन्दा बढी कार्यक्रमहरु गरेको जनाएको छ ।