प्रिमियर लिगमा लिभरपुल, लेस्टर र फुलहमलाई सफलता

काठमाडौँ । इङ्लिस प्रिमियर लिग फुटबलमा लिभरपुलले नटिङ्घम फरेस्टलाई ३-२ गोलले पराजित गरेको छ । लिभरपुलको जितमा डिएगो जोटाले दुई तथा मोहमद सलाहले एक गोल गरे ।

नटिङ्घम फरेस्टका निको विलियम्स र मोर्गन गिब्स ह्वाइटले एक(एक गोल फर्काए । जितसँगै लिभरपुलले ३१ खेलमा ५० अङ्क जोडेको छ । लिभरपुल छैटौँ स्थानमा उक्लिएको छ । फरेस्ट २७ अङ्क जोडेर १९औँ स्थानमा छ ।

लिगकै अन्य खेलमा लेस्टरले वल्भसलाई तथा फुलहमले लिड्सलाई समान २-१ ले पराजित गर्दा एस्टन भिल्ला र ब्रेन्टफोर्डले १-१ र क्रिस्टल प्यालेस र एभरटनले गोलरहित बराबरी खेलेका छन् ।