म्यानचेस्टर युनाइटेड एफए कपको फाइनलमा

काठमाडौँ । म्यानचेस्टर युनाइटेड एफए कपको फाइनलमा पुगेको छ । गएराती सम्पन्न सेमिफाइनलमा म्यानचेस्टर युनाइटेडले सडन डेथमामा ब्राइटनलाई पराजित गर्दै एफए कपको फाइनलमा पुगेको हो ।

निर्धारित ९० मिनेटको खेल र ३० मिनेटको अतिरिक्त समयमा दुवै टिमबाट गोल हुन नसकेपछि खेलको निर्णय पेनाल्टी सुटआउटबाट गरिएको थियो । पेनाल्टी सुट आउटमा म्यानचेस्टर युनाइटेडले ७-६ ले खेल जितेर फाइनलमा पुगेको हो ।

अब एफए कपको फाइनल खेल म्यानचेस्टर डर्बी हुने भएको छ । फाइनल खेलमा म्यानचेस्टर सिटी र म्यानचेस्टर युनाइटेड आगामी जुन ३ मा विम्बली स्टेडियममा भिड्ने छन् ।