रायो भालेकानोसँग हार्‍यो बार्सिलोना

काठमाडौँ । स्पेनिस ला लिगा अन्तर्गत बार्सिलोना पराजित भएको छ । गएराती सम्पन्न खेलमा रायो भल्लेकानोले बार्सिलोनालाई २-१ गोल अन्तरले पराजित गरेको हो ।

रायो भल्लेकानोको जितमा अल्भारो गार्सिया रिभेरा र फ्रान गार्सियाले एक एक गोल गरेका थिए । त्यस्तै बार्सिलोनाका लागि रोबेर्ट लेवानडोस्कीले एक गोल फर्काएका थिए ।

यो हारपछि बार्सिलोनाको ३१ खेलमा ७६ अंक रहेको छ र लिगको शिर्ष स्थानमा कायम रहेको छ । बार्सिलोना दोस्रो स्थानमा रहेको रियल म्याड्रिड भन्दा ११ अंकले अगाडी रहेको छ । रायो भल्लेकानोको ३१ खेलमा ४३ अंक रहेको छ ।