लोरिएन्टसँग ३-१ स्तब्ध बन्यो पिएसजी

काठमाडौँ । फेन्च लिग वान अन्तर्गत पिएसजीले लज्जास्पद हार बेहोरेको छ । आइतबार राति सम्पन्न खेलमा लोरिएन्टसँग पिएसजी ३-१ गोल अन्तरले हार बेहोरेको हो ।

लोरिएन्टको जितमा एन्जो ली फी, डार्लिन योंग्वा र बाम्बा डीएन्गले एक एक गोल गरेका थिए । पिएसजीका लागि एक गोल किलीयन एम्बाप्पेले गरेका थिए ।

खेलमा खेलको २०औं मिनेटमा अचरफ हाकिमीले रातो कार्ड पाएर मैदान छोडेपछि पिएसजी १० खेलाडीमा सिमित भएको थियो । हाकिमीले दोहोरो पहेलो कार्ड पाएपछि रातो कार्ड पाएका थिए ।

यस हारपछि पनि शीर्षस्थानमा रहेको पिएसजीको ३३ खेलबाट ७५ अंक छ । टोली दोस्रो स्थानको मार्सेभन्दा ५ अंकले मात्रै अघि छ । पिएसजीलाई हराएको लोरिएन्ट ३३ खेलबाट ४८ अंक जोडेर १०औं स्थानमा छ ।