सिम्रिक एयरको हेलिकोप्टर दुर्घटना : पाइलटसहित २ गम्भीर घाइते
मकालु खबर २०८० वैशाख २२ गते
काठमाडौँ । सिम्रिक एयरको हेलिकोप्टर दुर्घटनामा पाइलटसहित २ जना गम्भीर घाइते भएका छन् । दुर्घटनामा हेलिकोप्टरका पाइलट र स्थानीय भविन गुरुङ गम्भीर घाइते भएका हुन् ।
हेलिकप्टरमै रहेका छिरिङ भोटे भने सकुशल रहेको भोटखोला गाउँपालिका–४ का वडाअध्यक्ष विकास तामाङले बताए ।
उनका अनुसार हाल दुर्घटनामा परेकाहरुको सिम्रिक एयरकै अर्को हेलिकोप्टर र नेपाली सेनाको हेलिकोप्टरले उद्दार गरिरहेको छ । उद्दार गरेर दुवै जना घाइतेलाई काठमाडौँ पठाउने तयारी भइरहेको उनले बताए ।
घाइतेहरु दुबैको टाउकोमा चोट लागेका कारण अवस्था गम्भीर रहेको उनले बताए ।
माथिल्लो अरुण जलविद्युत् आयोजनाको ल्याब टेष्टका लागि ढुंगा तथा माटोलगायत स्याम्पल ओसार्ने काम सिम्रिक एयरको हेलिकोप्टरले गरिरहेको थियो ।
Photo: Wang Bhote
मकालु खबर २०८० वैशाख २२ गते
प्रतिक्रिया
सम्बन्धित
