बेपत्ता भनिएका टोपबहादुरको लोकेसन पोखरामा, खोजी गर्दै कास्की प्रहरी

कास्की प्रहरीले उनी पोखरा आसपासमा रहेको सूचना पाएको जनाएको छ । शुक्रबार रातभर प्रहरीले सम्बन्धित स्थानमा खोजी गरिएको जनाएको छ । तर सम्भावित ठाउँमा नभेटिएको बताइएको छ ।

‘उहाँ पोखरामै रहेको सूचना पाएका छौं । सूचना अनुसार खोजी भइरहेको छ, रिजल्ट निस्किएको छैन,’ कास्की प्रहरीका प्रमुख एसपी अजय केसीले भने ।

केहीले भने पोखरा नभई भैरहवा तिर रहेको होहल्ला पनि सुनाएका उनको भनाई छ । पोखरा आसपास रहेको भए जुनसुकै हालतमा पक्राउ गर्ने उनले सुनाए । उनको मोबाइल लोकेसन अनुसार पोखरामा ट्रयाकिङ गरिएको हो ।