मेस्सीले जिते लाउरेस वल्ड स्पोर्ट्सम्यान अवार्ड, टिम अफ द इयर बन्यो अर्जेन्टिना

अर्जेन्टिनी कप्तान लियोनेल मेस्सीले लाउरेस वल्ड स्पोर्ट्सम्यान अवार्ड पाएका छन्। टिम अफ द इयरको अवार्ड अर्जेन्टिनाले जितेको छ।

गत नोभेम्वर र डिसेम्वरमा भएको विश्वकपको उपाधि जिताएका अर्जेन्टिनाको कप्तान मेस्सीले विश्वकपमा ७ गोल र गोल्डेन बल जित्न सफल भएका थिए । मेस्सी एकै वर्ष टिम र व्यक्तिगत अवार्ड जित्ने पहिलो खेलाडी बनेका छन्।

पीएसजीका समेत फरवार्डले भने, ‘यो विशेष सम्मान हो । म राष्ट्रिय टोलीबाट मात्र नभई पिएसजीका मेरा सबै साथीहरूलाई धन्यवाद दिन चाहन्छु । मैले एक्लै यो कुनै पनि हासिल गरेको छैन र म उनीहरूसँग सबै कुरा साझा गर्न सक्षम भएकोमा कृतज्ञ छु ।’

अर्जेन्टिनाले २०१८ को च्याम्पियन फ्रान्सलाई टाइब्रेकरमा पराजित गर्दै तेस्रोपटक विश्व च्याम्पियन बन्न सफल भएको थियो।

अर्जेन्टिनाले इङ्ल्यान्डको युरो २०२२ जित्ने लियोनेसेस, पुरुष च्याम्पियन्स लिग विजेता रियल म्याड्रिड र फ्रान्सको पुरुष सिक्स नेसन्स च्याम्पियनलाई हराएर अवार्ड जितेको हो।