रियल म्याड्रिडको संघर्षपूर्ण जित

काठमाडौँ । घरेलु मैदानमा रियल म्याड्रिडले कठिन जित निकालेको छ । स्पेनिस ला लिगाको जारी खेलमा रियलले गेटाफेमाथि १-० को कठिन जित निकालेको हो ।

सान्टियागो बर्नबेउमा शनिबार राति भएको खेलको पहिलो हाफ गोलरहित बराबरीमा टुङ्गिएको थियो ।  घरेलु टोली रियलमाथि चर्को दबाबमा राखे पनि गेटाफेले कुनै गोल गर्न सकेन । रियललाई गोलरहित अवस्थामा राख्ने रणनीति अनुसारअ अघि बढेको गेटाफेले पहिलो हाफमा कुनै गोल गर्न दिएन ।

तर, दोस्रो हाफमा मार्को एसेन्सियोले गोल गरे पछि रियलले १-० को अग्रता लिन सफल भयो । दुवैतर्फबाट कुनै गोल हुन नसके पछि लुकास भास्क्वेजको पासमा एसेन्सियोले गरेको गोल नै निर्णायक बन्न पुग्यो । र, खेल १-० मा टुङ्गियो ।

यस जितसँगै दोस्रो स्थानमा उक्लिएको रियलको ३४ खेलमा ७१ अंक रहेको छ भने पराजित गेटाफे ३४ अंक जोडेर १८औं स्थानमा सीमित छ । एक खेल कम खेलेको बार्सिलोना भन्दा रियल म्याड्रिड ११ अंकले पछाडी रहेको छ । बार्सिलोनाको ३३ खेलमा ८२ अंक रहेको छ ।