उड्न लागेको विमानमा मुसा भेटिएपछि…

जनकपुरधाम । जनकपुरबाट काठमाडौँ उड्न लागेको विमानमा मुसा भेटिएपछि उडान केही समयको लागि स्थगित भएको छ । शनिबार बिहान जनकपुरबाट काठमाडौँ उड्न तयारी अवस्थामा रहेको बुद्ध एयरको विमानमा यात्रुले मुसा देखेपछि उडान स्थगित भएको हो ।

४९ जना यात्रुको बोडिङ भइसकेपछि जहाजमा मुसा देखिएको नेपाल नागरिक उड्डयन प्राधिकरणका प्रवक्ता जगन्नाथ निरौलाले बताए ।
जनकपुरस्थित बुद्ध एयरका कर्मचारी सन्दीप लामाले प्राविधिक जाँचका लागि केही बेर विमान होल्ड गरिएको जानकारी दिए ।