तीर्थयात्री चढेको गाडी स्वर्गद्वारीमा दुर्घटना, चालकसहित ८ यात्रुकाे मृत्यु

प्युठान । स्वर्गद्वारी दर्शन गरेर फर्केका तीर्थयात्री चढेको निजी गाडी दुर्घटना हुँदा ८ जनाकाे मृत्यु भएकाे छ ।

लु १ च ६३४५ नम्बर को ८ जना सवार गाडी स्वर्गद्वारी नगरपालिका ४ उपल्लो भिङ्ग्रीमा दुर्घटनामा परेको हो । गाडी सडकबाट तल खसेको छ । गाडीमा सवार दाङको लमही ५ का २ महिला, २ पुरुष र ४ बालबालिकाे निधन भएकाे हाे ।

प्युठान प्रहरीका अनुसार मृत्यु हुनेमा तुलसीपुर उपमहानगरपालिका वडा नं. १५ कोठरीकी ३४ वर्षीया सरिता शर्मा, उनका १४ वर्षीय छोरा विशाल र ९ वर्षे विकास छन् ।

दुर्घटनामा परी गढवा गाउँपालिका वडा नं. ७ का ४० वर्षीय गोविन्द शाह, उनकी ३२ वर्षीया श्रीमती राधा र छोरा १० वर्षीय आदित्य शाह छन् ।

शर्माको परिवार र शाहको परिवार घोराही उपमहानगरपालिका वडा नं. १० नारायणपुरमा कोठा भाडामा बस्दै आएका थिए ।

कार चालक लमही नगरपालिका– ५ का तारा कुमालको यसअघि नै सनाखत भइसकेको थियो । अर्का एक जना मृतक बालकको भने पहिचान खुल्न बाँकी छ ।

दुर्घटनामा परेका गाडीका यात्रुकाे उद्दार गरी अस्पताल लगिए पनि उनीहरूकाे निधन भएकाे बतइएकाे छ ।