मैत्रीपूर्ण खेलमा ब्राजिलको सानदार जित

काठमाडौँ । अन्तर्राष्ट्रिय मैत्रीपूर्ण खेलमा ब्राजिलले पश्चिम अफ्रिकी देश गिनियालाई पराजित गरेको छ । गएराती सम्पन्न खेलमा ब्राजिलले गिनियालाई ४-१ गोल अन्तरले पराजित गरेको हो ।

ब्राजिलको जितमा जोएलिनटन, रोड्रीगो, एडर मिलिताओ र भिनिसीयस जुनियरले एक एक गोल गरेका थिए । गिनियाका लागि एक गोल सेरहोउ गुइरासीले फर्काएका थिए ।

ब्राजिलका लागि यस खेलमा नेइमार खेलेका थिएनन् । उनी इन्जुरीका कारण लामो समयदेखि मैदान बाहिर रहेका छन् । ब्राजिलले अब अर्को मैत्रीपूर्ण खेल जुन २१ मा सेनेगलसँग खेल्नेछ ।