चार दलले बनाए समाजवादी मोर्चा

काठमाडौँ । नेकपा माओवादी केन्द्रसहितका ४ दलले मोर्चाबन्दी गरेका छन् ।

राष्ट्रिय सभागृहमा एक कार्यक्रमको आयोजना गरी मोआवादी केन्द्र, जनता समाजवादी पार्टी(जसपा), एकीकृत समाजवादी र नेत्रविक्रम चन्द नेतृत्वको नेपाल कम्युनिष्ट पार्टीले मोर्चा निर्माण गरेको घोषणा गरेका हुन् ।

७ बुँदे घोषणापत्र जारी गर्दै ४ दलीय मोर्चाको नेतृत्व पनि सहमतिअनुसार आलोपालो गरिने छ । मोर्चाले लिने नीतिगत निर्णय गर्न यी दलका अध्यक्षहरुको संयोजन समिति संयोजन समिति हुनेछ ।

मोर्चा घोषणापछि नेताहरुले एक आपसमा हातेमालो गर्दै सहकार्य गर्ने सन्देश दिएका छन् ।