गोरखा दुर्घटना अपडेट : मृतक पाँचमध्ये तीन १९ बर्से युवा (घाइते र मृतकको नामसहित)

काठमाडौँ । गोरखा जिप दुर्घटनाका घाइते र मृतकको परिचय खुलेको छ । गएराति भएको दुर्घटनामा ५ जनाको मृत्यु भएको छ भने १२ जना घाइते छन् ।

जिल्लाको सहिद लखन गाउँपालिका-३ पात्लेखोलामा जन्ती बोकेको प्र ३-०१-०२३ च २४२७ नम्बरको जिप सडकबाट दुर्घटना भएको जिल्ला प्रहरी कार्यालय गोरखका डिएसपी लिलाराज लामिछानेले जानकारी दिए । उनकाअनुसार जिप सहिद लखन-३ कोडगाउँबाट वडा नम्बर ५ को पोखरीडाडाँ जन्ती लिएर फर्कँदै थियो ।

दुर्घटनामा परी सहिद लखन गाउँपालिका-५ पोखरीडाँडाका १९ वर्षीय प्रवीण थापा, २८ वर्षीय वीरबहादुर थापा, १९ वर्षीय नीरज थापा, १९ वर्षीया नवीना थापा र ६४ वर्षीय धनबहादुर थापाको मृत्यु भएको हो । दुर्घटनामा १२ जना घाइते भएका छन् ।

दुर्घटनामा सुरज राना, नरबहादुर थापा, दोषबहादुर थापा, होमबहादुर राना, सन्दिपा राना, सुरज थापा, चन्द्र थापा, कुलबहादुर राना, लक्ष्मी थापा, मनिका राना र प्रतीक राना घाइते भएको प्रहरीले जनाएको छ ।

यो पनि : बेहुलीको घरमा टिकाटालो गरेर फर्केको गाडी खस्यो, ५ जनाको मृत्यु