सांसद कल्याणी खड्का चढेको गाडी दुर्घटना

कर्णाली प्रदेश सभा सांसद कल्याणी खड्का चढेको गाडी दुर्घटनामा परेको छ।

शनिबार दिउँसो ३ बजे रूकुम पश्चिम चौरजहारी नगरपालिका ३ मा गाडी दुर्घटनामा परेको हो। चौरजहारी बजारबाट कोटजहारी जाँदै गरेको सरकारी गाडीमा ७ जना सवार थिए।

कर्णाली प्रदेश ०२(००१ झ ००४४ नम्बरको गाडीमा प्रदेश सभा सदस्य कल्याणी खड्कासहित घाइते भएका छन्।

इलाका प्रहरी कार्यालय चौरजहारी रूकुम पश्चिमले उनीहरुलाई उद्धार गरेर मिसन अस्पताल चौरजहारीमा पठाएको छ।

गाडी अनियन्त्रित भई सडकबाट तल खसेको प्रहरीले जनाएको छ।