दुर्घटनाग्रस्त अवस्थामा भेटियो मनाङ एयरको हेलिकोप्टर

काठमाडौँ । मनाङ एयरको सम्पर्कविहीन हेलिकोप्टर दुर्घटनाग्रष्त अवस्थामा फेला परेको छ ।

रुखमा ठोक्किएर दुर्घटनाग्रस्त अवस्थामा हेलिकोप्टर फेला परेको हो । हेलिकोप्टरसँगै ५ जनाको शव भेटिएको बताइएको छ  । एकजना बेपत्ता छन् ।

उक्त हेलिकोप्टर सोलुखुम्बुको लिखु पिके गाउँपालिका ५ र दूधकुन्ड नगरपालिका २ को सिमाना लामाजुरा पासमा दुर्घटनाग्रष्ट अवस्थामा फेला परेको हो ।

सोलुखुम्बुको सुर्के हेलिप्याडबाट काठमाडौँका लागि बिहान १० बजेर १० मिनेटमा उडेको मनाङ एयरको ९एनए–एमभी हेलिकोप्टर उडेको १० मिनेटपछि नै बेपक्ता भएको थियो ।

हेलिकोप्टरमा पाइलटसहित ६ जना सवार थिए ।