नेपाली कांग्रेसको केन्द्रीय समिति बैठक स्थगित

काठमाडौँ । बुधबार बस्ने तय भएको नेपाली कांग्रेसको केन्द्रीय समिति बैठक स्थगित भएको छ । बैठक साउन २ गतेदेखि बस्नेगरी स्थगित गरिएको कांग्रेस प्रचार विभाग प्रमुख मीन विश्वकर्माले जानकारी दिए ।

उनकाअनुसार प्रधानमन्त्री पुष्पकमल दाहाल ‘प्रचण्ड’ पत्नी सीता दाहालको निधन भएपछि बैठक स्थगित भएको हो । सभापति शेरबहादुर देउवा प्रधानमन्त्री दाहाललाई समवेदना दिन नर्भिक अस्पताल पुगेका छन् ।