एमाले अध्यक्ष ओली र अमेरिकी सहायक विदेशमन्त्री लुबीच भेटवार्ता
मकालु खबर २०८० असार २९ गते
नेकपा एमालेका अध्यक्ष केपी शर्मा ओली र अमेरिकी सहायक विदेश मन्त्री डोनाल्ड लुबीच भेटवार्ता भएको छ।
उनीहरुबीच शुक्रबार दिउँसो एमाले पार्टी मुख्यालय च्यासलमा भेटवार्ता भएको हो।
सो भेटमा ओली र लुबीच दुई पक्षीय हितका विषयमा छलफल भएको थियो।
ओलीसँगको भेटवार्तामा अमेरिकी राजदूत डीन आर थम्पसन, उपमहासचिव विष्णु रिमाल, एमाले विदेश विभाग प्रमुख राजन भट्टराई र सदस्य अन्जन शाक्य पनि सहभागी थिए।
लुले शुक्रबार नै नेपाली कांग्रेसका सभापति शेरबहादुर देउवा र परराष्ट्रमन्त्री एनपी साउदसँग भेट गरिसकेका छन्। लु शुक्रबार नै काठमाडौं आएका हुन्।
मकालु खबर २०८० असार २९ गते
प्रतिक्रिया
सम्बन्धित
