बनेपा अस्तव्यस्त, उपत्यका भित्रिने सवारी पुलबजारमै रोकिए

काठमाडौं । गए रातिदेखि आएको भारी वर्षाका कारण बनेपा दुबानमा परेको छ । प्रहरी कार्यालय काभ्रेपलान्चोकका अनुसार बनेपाको पुलबजार क्षेत्र डुबानमा परेको हो ।

सोमबार रातिदेखिको अविरल वर्षाका कारण पुलबजार क्षेत्र डुबानमा परेको प्रहरीले बताएको छ । पुलबजारका सडक र घरहरुका सटर डुबेको प्रहरीले जनाएको छ । सडक डुबानमा परेकाले अरनिको राजमार्गमा यातायात सञ्‍चालनसमेत हुन नसकेको बताइएको छ ।

यो राजमार्ग हुँदै काठमाडौं उपत्यका आउने र उपत्यका बाहिर जाने धेरै सवारीसाधनहरु बाटोमा अलपत्र परेका छन् ।