रोल्पामा बस दुर्घटना : दुई जनाको शव भेटियो, अन्यको उद्धार हुँदै

काठमाडौँ । रोल्पाबाट दाङको घोराहीतर्फ आउँदै गरेको बस दुर्घटनामा परेको छ । दुर्घटनामा दुई जनाको मृत्यु भएको छ भने १५ जनाभन्दा बढी घाइते भएका छन् ।

त्रिवेणी गाउँपालिका–७ स्थित रिचि भन्ने ठाउँमा ना ५ ख १६१२ नम्बरको बस दुर्घटनामा परेको हो ।

घाइतेहरुको उद्दार कार्य जारी छ । घाइते मध्ये केहीलाई प्राथमिक उपचारका लागि स्थानीय स्वास्थ्य चौकी पठाइएको र केहीलाई थप उपचारका लागि घोराही पठाउने तयारी भइरहेको छ ।