पेट्रोल, डिजेल/मट्टितेलमा नयाँ मूल्य (निगमको विज्ञप्ति)

काठमाडौँ । नेपाल आयल निगमले पेट्रोलियम पदार्थको मूल्य बढाएको छ । निगम व्यवस्थापनको मंगलबारको बैठकले मूल्य समायोजन गरेको हो ।

भारतबाट मूल्य बढेर आएकाले भाउ बढाइएको निगमद्वारा जारी विज्ञप्तिमा उल्लेख छ । नयाँ मूल्य आजदेखि लागू भएको हो । डिजेलमा एकैपटक प्रतिलिटर १४ रुपैयाँ मूल्य बढाइएको छ । मट्टितेलमा पनि १४ रुपैयाँ नै मूल्य बढाइएको छ । पेट्रोलमा प्रतिलिटर ५ रुपैयाँ मूल्य बढाइएको छ ।

नयाँ मूल्य अनुसार अब पेट्रोल पहिलो वर्गमा १७५ रुपैयाँ ५० पैसा, दोस्रो वर्गमा १७७ र तेस्रो वर्गमा १६८ रुपैयाँ कायम हुनेछ । डिजेल र मट्टितेल पहिलोमा १६४ रुपैयाँ ५० पैसा, दोस्रोमा १६६ र तेस्रोमा १६७ रुपैयाँ कायम हुनेछ ।