थाईल्याण्ड दूतावासले भन्योः भिजिट भिसामा यी तीन देश नजानू

थाईल्याण्डस्थित नेपाली दूतावासले भिजिट भिसामा तीन देश नजान सुचित गरेको छ। दूतावासले म्यानमार, कम्बोडिया र लाओसमा नजान सूचित गरेको छ।

थाईल्याण्ड हुँदै ती देशमा काम पाउने लोभमा जाँदा नेपालीहरु बन्धक बनिरहेको जानकारी दिँदै सचेत रहन आह्वान गरेको हो।

दूतावासले भनेको छ, ‘थाइल्याण्ड, कम्बोडिया तथा लाओसमा पर्यटक भिसामा आउनेहरूले कुनै पनि बाहानामा काम गर्न नपाउने र यी मुलुकहरूमा नेपालीहरूलाई वैदेशिक रोजगार समेत खुला नभएको सन्दर्भमा यी मुलुकहरूमा रोजगारीमा लगाईदिने वा अन्य रोगजार उपलब्ध गराउने बाहानामा वा प्रलोभनमा पारी नेपलीहरूलाई ल्याउने कुनै किसिमको कार्य गर्नु र गराउनु कानून बमोजिम दण्डनीय हुने भएकोले यस तर्फ सचेत रहन सम्बन्धित सबैमा अनुरोध गरिन्छ।’