खेलाडीलाई चुम्बन गर्ने स्पेनिस फुटबल संघका अध्यक्ष रुबियाल्सलाई तीन महिनाको प्रतिबन्ध

विश्व फुटबलको सर्वोच्चो निकाय फिफाको अनुशासनात्मक कमिटीले महिला विश्वकपको फाइनलमा खेलाडीलाई चुम्बन गर्ने स्पेनिस फुटबल संघका अध्यक्ष लुइस रुबियाल्सलाई तीन महिनाको प्रतिबन्ध लगाएको छ ।

प्रतिब्धसँगै रुबियाल्सले फिफाका कुनै पनि कार्यक्रममा सहभागिता जनाउन नपाउने भएका छन् ।

आइतबार फिफा महिला विश्वकप विजेता स्पेनिस खेलाडीलाई रुबियाल्सले पुरस्कार वितरण समारोहमा चुम्बन गर्दै बधाई दिएका थिए । सिड्नीको घटनापछि जेनी हर्मोसोले सामाजिक सञ्जालमा असन्तुष्टि पोखेकी थिइन् ।

रुबियाल्सले शुक्रबार संघको विषेश साधारणसभामा राजिनामा नदिने बताएका थिए ।

स्पेनिस खेलाडीले रुबियाल्सले राजिनामा नदिएसम्म अन्तर्राष्ट्रिय फुटबलमा सहभागिता नजनाउने बताएका छन्।