बार्सिलोनाका अंशु फाती ब्राइटनमा

बार्सिलोनाका फरवार्ड अंशु फाती प्रिमियर लिग क्लब ब्राइटनमा अनुबन्धित भएका छन्। प्रिमियर लिग क्लब ब्राइटनले फातीलाई लोनमा एक सिजनका लागि अनुबन्ध गरेको हो।

फातीले बार्सिलोनामा नियमित टोलीमा स्थान नपाएपछि सन्तुष्ट थिएनन्।

ब्राइटनले २० वर्षीय फरवार्डलाई एक सिजनका लागि क्लबमा अनुबन्ध गरेको हो। फातीलाई किन्न सक्ने प्रस्ताव समावेश छैन।

टोटनहम समेत फाती अनुबन्धनका लागि इच्छुक थियो। तर फातीले ब्राइटनमा जाने निर्णय लिएका छन्।

पहिलो पटक युरोपा लिगमा छनोट भएको ब्राइटनले युरोपेली फुटबलमा आफ्नो चुनौती पेश गर्दैछ। जसमा उसले समूह चरणमा अजाक्स, मार्सेली र एइके एथेन्ससँग प्रतिस्पर्धा गर्दैछ ।

स्पेनबाट विश्वकप फुटबल टिममा स्थान बनाएका फातीले बार्सिलोनासँग नयाँ सम्झौता गरेका छन्। उनी सन् २०२७ सम्मका लागि बार्सिलोनासँग सम्झौतामा छन्।

बार्सिलोनाले उनका लागि १ बिलियनको रिलिज क्लब राखेको छ।