वर्तमान संविधान माओवादीसँग डराएर बनाइएको होः दमननाथ ढुंगाना

काठमाडौं । पूर्वसभामुख दमननाथ ढुंगानाले २०७२ सालमा जारी भएको नेपालको संविधानमा बीपी तत्त्व नभएको टिप्पणी गरेका छन् ।

बीपी साहित्य महोत्सवको अन्तिम दिन उनले संविधान माओवादीसँग डराएर बनाएको बताए ।

‘यो संविधानमा बीपी तत्त्व छँदै छैन । म संविधान दुर्घटनामा जाओस् भन्ने पक्षमा छैन । तर, एकेडेमिक बहसमा यो संविधान उत्कृष्ट भन्न सक्दिनँ,’ ढुंगानाले भने, ’यो माओवादीसँग डराएर उनीहरूको चित्त बुझाउनका लागि बनाएको संविधान हो ।’

उनले अहिले माओवादी क्रन्तिको जगमा संविधान बनेको बताए । ‘२००७ सालमा बनेको भए कस्तो बन्थ्यो होला भनेर बहस हुन सक्छ । त्यसबेला भएको भए बीपी नेतृत्वको क्रान्तिको जगमा संविधान बन्थ्यो भने अहिले माओवादीको सशस्त्र क्रान्तिको जगमा बनेको हो,’ उनले भने ।

प्रतिक्रिया

Leave a Reply

Your email address will not be published. Required fields are marked *