ट्रेन्डिङ र भाइरलमा विश्वास छैन : राजेशपायल राई

काठमाडौँ । साङ्गीतिक चलचित्र ‘हे दैव’ सार्वजनिक भएको छ ।

शुक्रवार काठमाडौँमा एक कार्यक्रमबीच साङ्गीतिक चलचित्र हे दैव सार्वजनिक भएको हो । चलचित्रमा बुद्धि तामाङ, माओत्से गुरुङ, एलिशा राई लगायतका कलाकारहरूको अभिनय छ ।

कार्यक्रममा बोल्दै गायक राजेशपायल राईले आफूलाई ट्रेन्डिङ र भाइरलमा विश्वास नलाग्ने बताए । उनले राम्रोलाई राम्रो र नराम्रोलाई नराम्रो भन्न सक्नुपर्ने बताए ।

उनले आफूले अहिलेसम्म ७ देखि ८ हजारसम्म गीत गाइसकेको बताए । उनले आफूलाई नेपाली गीत सङ्गीतले अन्तर्राष्ट्रिय बजारमा प्रतिस्पर्धा गर्न सक्नुपर्ने र नेपाली भिडियो देखाउँदा नेपाली कला कम नहोस् भन्नेकुरामा मात्रै लोभ रहेको बताए ।

उनले इमानदार भएर आफ्नो पेसामा रहन सक्दा फल प्राप्त हुने बताए ।