सात बुँदे सहमतिमा राहत शिक्षकको असन्तुष्टि, आन्दोलन जारी राख्ने

काठमाडौं । सरकार र शिक्षकबीच भएको सहमतिमा राहत शिक्षकहरुले असहमति जनाएका छन् । सरकारसँग भएको वार्तामा आफ्नो माग सम्बोधन नगरेको भन्दै राहत शिक्षकहरुले असहमति जनाएका हुन् ।

दुई पक्षबीच भएको वार्तामा आफ्नो माग समाधान नगरेपछि राहतका शिक्षकहरु बैठकबाट उठेर हिँडेको नेपाल राहत शिक्षक संघका अध्यक्ष खेमराज अधिकारीले बताए ।

राहतका शिक्षकहरुले आन्दोलनको कार्यक्रम जारी राख्ने बताएको छ । माइतीघर मन्डलामा भोलि भेला हुने राहत शिक्षक संघका महासचिव कुमार बजगाईंले बताए । ४० हजार शिक्षक आक्रामक रुपमा उत्रने उनको दाबी छ ।

साथै शिक्षक महासंघबाट राजीनामा दिने राहत शिक्षकका महासचिव बजगाईंले बताए ।