मंगलदीप पूजा अगरबत्तीको ब्राण्ड एम्बेस्डरमा नायिका वर्षा सिवाकोटी

काठमाडौँ । नेपालकै अग्रणी व्यावसायिक संस्था सूर्य नेपाल प्रा.ली.को उत्कृष्ट उत्पादन मंगलदीप पूजा अगरबत्तीले नेपाली चलचित्र उद्योगको प्रख्यात अभिनेत्री वर्षा सिवाकोटीलाई आफ्नो ब्राण्ड एम्बेस्डरको रूपमा नियुक्त गरेको छ ।

नेपालमै सर्वाधिक रुचाइएको मंगलदीप पूजा अगरबत्ती ग्राहकहरूको आवश्यकताहरूलाई आत्मसाथ गरी विभिन्न सुगन्ध तथा प्याक साइजहरूमा उपलब्ध छन् । यी उत्कृष्ट उत्पादनहरूलाई सशक्त रूपमा ग्राहकहरूमाझ पुर्याउन तथा आफ्नो उत्पादनहरूको प्रवर्द्धन गर्न वर्षा सिवाकोटीसँगको सहकार्य सफल हुने कम्पनीले बताएको छ ।

वर्षा सिवाकोटीको साथमा कम्पनीले विभिन्न प्रचारमुखी योजनाहरू गर्ने अभिप्रायको साथ मंगलदिप सयपत्रीको नयाँ टेलिभिजन विज्ञापन पनि सार्वजनिक गरेको छ ।

अभिनेत्री सिवाकोटीले आफुपनि पूजा तथा अध्यात्ममा विश्वास राख्ने व्यक्ति भएको हुनाले मंगलदीप जस्तो गुणस्तरीय ब्राण्ड सँग सहकार्य गर्न पाउँदा औधी खुसी लागेको बताइन् ।

मंगलदीप पूजा अगरबत्ती अन्तर्गत चम्पा, अर्पण, चन्दन ल्यावेंडर, ज्यासमिन, पुष्पाञ्जली, त्रेया, त्रिसारा, इन्द्रेणी, सयपत्री लगायतका उत्पादनहरू बजारमा उपलब्ध छन् ।