विश्वकप छनौटमा अर्जेन्टिनाको लगातार चौथो जित, मेस्सीले हाने दुई गोल

काठमाडौँ । अर्जेन्टिनाले दक्षिण अमेरिकी विश्वकप छनौटमा लगातार चौथो जित हासिल गरेको छ । बुधबार बिहान सम्पन्न खेलमा अर्जेन्टिनाले पेरुलाई २-० गोल अन्तरले पराजित गरेको हो ।

अर्जेन्टिनाको जितमा दुवै गोल लियोनेल मेस्सीले गरेका हुन् । मेस्सीले पहिलो हाफको ३२ र ४२औँ मिनेटमा गोल गरे । योसँगै मेस्सीको अन्तर्राष्ट्रिय खेलमा गोल सङ्ख्या १०६ पुगेको छ ।

यो जितपछि अर्जेन्टिनाको ४ खेलमा चारै जितसहित १२ अंकसहित अंकतालिकामा शीर्ष स्थानमा छ । पेरुको भने विश्वकप छनौटमा यो तेस्रो हार हो । पेरुको ४ खेलमा एक अंकसहित अंकतालिकामा नवौँ स्थानमा रहेको छ ।