जुरिखेतको ओरालोमा स्कुटर खस्दा श्रीमतीको मृत्यु, श्रीमान गम्भीर

काठमाडौं । मकवानपुरको भीमफेदीमा स्कुटर दुर्घटना हुँदा श्रीमतीको मृत्यु भएको छ भने श्रीमान घाइते भएका छन् । काठमाडौंबाट हेटौंडा जाँदै गरेको ०२-०२७-प ४८४२ नम्बरको स्कुटर बुधबार साँझ दुर्घटनाान परेको हो ।

भीमफेदी ६ जुरीखेतमा भएको दुर्घटना स्कुटरको पछाडि सवार काठमाडौं-२७ महाबौद्ध निवासी ६२ वर्षीया राज्यश्री थापा क्षेत्रीको मृत्यु भएको प्रहरीले जनाएको छ । दुर्घटनामा घाइते भएकी राज्यश्रीको उपचारको क्रममा बुधबार बेलुकी ७ः३० बजे हेटौंडा अस्पतालमा मृत्यु भएको हो ।

उनका पति स्कुटर चालक ६५ वर्षीय शशीराज पाण्डे घाइते छन् । उनको हेटौंडा अस्पतालमा उपचार भइरहेको छ । उनीहरु सवार स्कुटर काठमाडौं-कुलेखानी-हेटौंडा सडकखण्डअन्तर्गत जुरिखेतको ओरालोमा अनियन्त्रित भई सडकबाट खसेको थियो ।