मिलानमाथि पिएसजीको शानदार जित, सिटी र बार्सा पनि विजयी

काठमाडौँ । युइएफए च्याम्पियन्स लिग अन्तर्गत पिएसजीले इटालियन क्लब एसी मिलानलाई पराजित गरेको छ । गएराती सम्पन्न खेलमा पिएसजीले एसी मिलानलाई ३-० गोल अन्तरले पराजित गरेको हो ।पिए

सजीको जितमा किलीयन एम्बाप्पे, राण्डल कोलो मुआनी र ली कांग इनले एक एक गोल गरेका थिए । यो जितपछि पिएसजीको समुह एफमा ३ खेलमा ६ अंक भएको छ र समुहमा शिर्ष स्थानमा रहेको छ । त्यसैगरी एसी मिलानको भने ३ खेलमा २ अंक मात्र रहेको छ र समुहमा पुछारमा रहेको छ ।

गएराती नै सम्पन्न यसै समुहको अर्को खेलमा डोर्टमण्डले न्यूक्यासल युनाइटेडलाई १-० गोल अन्तरले पराजित गरेको छ । यो जितपछि डोर्टमण्डको ३ खेलमा ४ अंक भएको छ र समुहमा दोस्रो स्थानमा रहेको छ । ३ खेलमा ४ अंक नै रहेको न्यूक्यासल समुहमा तेस्रो स्थानमा रहेको छ ।

म्यानचेस्टर सिटीले योंग ब्वायजलाई ३-१ गोल अन्तरले पराजित गरेको छ । म्यानचेस्टर सिटीको जितमा इर्लिंग हालाण्डले २ गोल गरेका थिए भने मानुएल अकान्जीले एक गोल गरेका थिए । त्यसैगरी योंग ब्वायजका लागि मेसचाक एलिआले एक गोल गरेका थिए ।

यो जितपछि समुह जी मा म्यानचेस्टर सिटीको ३ खेलमा ९ अंक भएको छ र समुहमा शिर्ष स्थानमा रहेको छ । योंग ब्वायजको ३ खेलमा १ अंक रहेको छ र समुहमा तेस्रो स्थानमा छ ।

गएराती सम्पन्न खेलमा बार्सिलोनाले शख्तरलाई २-१ गोल अन्तरले पराजित गरेको छ । बार्सिलोनाको जितमा फेरान टोरेज र फेर्मिन लोपेजले एक एक गोल गरेका थिए । त्यसैगरी शख्तर डोनेटस्कका लागि हेओर्ही सुडाकोभले एक गोल फर्काएका थिए ।

यो जितपछि बार्सिलोनाको समुह एचमा ३ खेलमा ९ अंक भएको छ र समुहमा शिर्ष स्थानमा रहेको छ । शख्तरको भने ३ खेलमा ३ अंक रहेको छ ।