७० प्रतिशत दर्शकले खोजे पशुपतिप्रसाद तेस्रो शृङ्खला, पशुपतिप्रसाद ३ निर्माण हुन्छ : खगेन्द्र लामिछाने
मकालु खबर
काठमाडौँ । चलचित्र पशुपति प्रसादको तेस्रो शृङ्खला निर्माण हुने भएको छ ।
शुक्रवार पशुपति प्रसाद २ भष्मे डन चलचित्र चौथो हप्तामा प्रवेश गरेको अवसरमा आयोजित कार्यक्रममा यसबारेमा जानकारी गराइएको हो ।
चलचित्रका निर्माता एवं अभिनेता खगेन्द्र लामिछानेले यसबारेमा जानकारी गराएका हुन् । उनले सिनेमा हलमा दर्शकहरूले तेस्रो शृङ्खला कहिले ल्याउने भन्ने प्रश्न गरेकाले यत्तिको लामो समय नलगाउने तर चलचित्र निर्माण हुने घोषणा गरे ।
चलचित्रप्रति आफूहरू खुसी भएको उनले बताए । त्यस्तै निर्देशक दीपेन्द्र के खनालले अपेक्षा गरेअनुसार पशुपतिप्रसाद जस्तो पशुपतिप्रसाद २ नभएको बताए । उनले पशुपतिप्रसादमा भन्दा कम मात्रै दर्शकले रुचाएको पाएको बताए ।
उनले दर्शकलाई नढाँटीकन आफूहरूले काम गरेको बताए । उनले ७० प्रतिशत दर्शकले तेस्रो शृङ्खला खोजेको बताए ।
पशुपति प्रसाद २ भष्मे डन चौथो हप्तामा प्रवेश गरेको अवसरमा निर्माण टिमले केक काटेर खुसीयाली मनाएको थियो ।
मकालु खबर
