इंग्ल्यान्डको अपराजित यात्रा, माल्टालाई २-० ले हरायो

काठमाडौँ । अपराजित रहँदै युरोकपमा स्थान पक्का गरिसकेको इंग्ल्याण्डले माल्टमाथि सहज जित निकालेको छ । शुक्रबार राति भएको खेलमा इंग्ल्याण्डले माल्टालाई २-० गोल अन्तरले पराजित गरेको हो ।

वेम्बली रंगशाला लन्डनमा इंग्ल्याण्डले सुरुआती अग्रता भने उपहार गोलमार्फत लिएको हो । माल्टाका एनरिक पेपेले आफ्नै पोस्टमा प्रहार गरेका थिए । ७५ औँ मिनेटमा बकायो साकाको पासमा हेरि केनले गोल गरेपछि इंग्ल्याण्डले २-० को सहज जित निकाल्न सफल भयो ।

यही समूह सीमा रहेको इटालीले नर्थन मेसेडानियालाई ५-२ को फराकिलो अन्तरले पराजित गरेको छ । यो नतिजा पछि इंग्ल्याण्डले ७ खेलबाट १९ अंक बनाउँदै शीर्ष स्थानमा राखेको छ भने इटाली र युक्रेनको समान १३/१३ अंक रहेको छ । गोल अन्तरका आधारमा इटाली दोस्रो स्थानमा छ । नर्थ मेसेडोनियाले ७ अंक बनाउँदा माल्टाले खाता नै खोलेको छैन ।