यमनविरुद्ध खेल्ने नेपाली टोली घोषणा, को–को छन् टिममा ?

काठमाडौँ । फिफा विश्वकप २०२६ र एएफसी एसियन कप २०२७ को संयुक्त छनोटको दोस्रो चरण अन्तर्गत यमन विरुद्ध खेल्ने नेपाली टोली घोषणा भएको छ ।

दशरथ रंगशालामा हुने खेलका लागि एन्फाले २३ सदस्यीय नेपाली टोली घोषणा गरेको हो ।

चोटका कारण युएई विरुद्धको खेलमा टिममा नभएका डिफेण्डर अनन्त तामाङ र मिडफिल्डर दिनेश हेन्जनले टिममा कमब्याक गरेका छन् । तर युएई विरुद्धको खेलमा घाइते भएका मिडफिल्डर लकेन लिम्बु टिममा छैनन् ।

यसबाहेक निसान हमाल पनि यमन विरुद्ध खेल्ने टिममा छैनन् ।

यमनविरुद्ध खेल्ने नेपाली टोली

गोलकिपर : किरण कुमार लिम्बु, दीप कार्की, अभिषेक बराल

डिफेण्डर : अमृत श्रेष्ठ, अन्जन राई, अनन्त तामाङ, छिरिङ लामा, सनिश, रोहित चन्द, योगेश गुरुङ

मिडफिल्डर : एरिक विष्ट, उत्सव राई, सेसेहाङ आङदम्बे, दिनेश हेन्जन, कृतिश रत्न छुन्चु

फरवार्ड : जिलेस्पी जंग कार्की, आशिष चौधरी, राजेश परियार, सन्जिव विष्ट, अन्जन विष्ट, हिसुब थपलिया, आयुष घलान, मनिष डाँगी