विरगञ्जमाथि धनगढीको रोमाञ्चक जित

नेपाल सुपर लिगमा धनगढी एफसीले विरगञ्ज युनाईटेडलाई पराजित गरेको छ।

आईतबार दशरथ रंगशालामा भएको खेलमा धनगढीले विरगञ्जमाथि २–१ रोमाञ्चक जित निकालेको हो ।

खेलको दोस्रो मिनेटमा फोडे फोफानाको गोलमा धनगढीले अग्रता बनाएको थियो । पहिलो हाफको इन्जुरी समयमा पेनाल्टीमा गोल गर्दै बिरगञ्ज खेलमा फर्कियो।

बराबरीतर्फ उन्मुख खेलको अन्तिम मिनेटमा गोल निकाल्दै धनगढीले जित निकाल्न सफल रह्यो ।

अहमद हिजाजीले खेलको अन्तिम मिनेटमा गोल गर्दै धनगढीलाई शानदार जित दिलाए । धनगढी साविक उपविजेता हो।

विरगञ्ज एनएसएलको नवप्रवेशी टिम हो।