बमजनको घरबाट बरामद ३ करोड बढी नगद सार्वजनिक

काठमाडौं । हत्या र यौनहिंसाका आरोपित रामबहादुर बम्जनको घरबाट बरामद भएको तीन करोड ३ लाख नेपाली रूपैयाँ र बिभिन्न १७ देशका विदेशी रुपैयाँ सार्वजनिक गरिएको छ ।

सीआईबीले पत्रकार सम्मेलन गरेर बमजनको घरबाट बरामद भएको सो रकम सार्वजनिक गरेको हो ।

उनको घरबाट सीआईबीले तीन करोड ३ लाख नेपाली रूपैयाँ केही मात्रामा विदेशी मुद्रा तथा १५ वटा मोबाइल, ल्यापटप र ३० वटाभन्दा बढी पेन ड्राइभ पनि बरामद गरेको थियो ।

प्रहरीले मंगलबार बुढानीलकण्ठको हात्तिगौँडास्थित बमजनकै घरबाट उनलाई पक्राउ गरेको थियो । प्रहरी पुगेपछि भाग्नलाई उनी बरण्डाबाट हाम फालेका थिए । प्रहरीले केहीसमय अघिदेखि उनी काठमाडौंमा बस्दै आएको भन्ने सूचनाका आधारमा निगरानी बढाएको थियो ।