अल नासारसँग ६-० ले हार्यो इन्टर मियामी, चलेनन् मेस्सी र स्वरेज
मकालु खबर
काठमाडौँ । साउदी टूरमा रहेको इन्टर मियामीले अल नासरसँग लज्जास्पद हार बेहोरेको छ । गएराती सम्पन्न क्लब मैत्रीपूर्ण खेलमा अल नासरले इन्टर मियामीलाई ६-० ले पराजित गरेको हो ।
अल नासरको जितमा टालीस्काले ह्याट्रिक गरेका थिए भने ओटाभियो, आइमेरिक लापोर्टे र मोहमद मरानले एक एक गोल गरेका थिए । इन्टर मियामीको साउदी टूरमा यो लगातार दोस्रो हार हो । यसअघि इन्टर मियामी अल हिलालसँग पनि पराजित भएको थियो ।
लुइस स्वरेजले सुरुवातबाटै लेखेका थिए भने लियोनल मेस्सी अन्तिम सात मिनेट मैदान प्रवेश गरेका हुन् । उनले नतिजामा प्रभाव पार्ने अवस्था नै थिएन । किनकी टोली त्यतिबेला सम्म ६-० ले पछि परिसकेको थियो ।
मेस्सी र लामो समयदेखि उनका प्रतिद्वन्दी रहेका क्रिस्टियानो रोनाल्डोबीचको रोमान्चक भिडन्त हेर्ने दर्शकहरुको चाहाना भने पूरा भएन । चोटका कारण रोनाल्डोले दर्शनदिर्घामा रहेर खेलको मज्जा लिएका थिए ।
मकालु खबर
