चर्चित र्यापर गिरिश खतिवडा र बुलेट फ्लोको ‘आइ एम द सुपरस्टार’ सार्वजनिक (भिडियो)
मकालु खबर
काठमाडौँ । गायिका सोना अमात्यले चर्चित यापर गिरिश खतिवडा र तीव्र र्यापरको पहिचान बनाएका बुलेट फ्लोसँगको सहकार्यमा नयाँ गीत ‘आइ एम द सुपरस्टार’ सार्वजनिक गरेकी छन् ।
सार्वजनिक गीतमा सुरज विक्रम थापा (बुलेट फ्लो) र गिरिश खतिवडाको शब्द एवम् संगीत रहेको यस गीतमा खतिवडा सँगै ओ एमएल (पीग इ प्रोड) ले प्रतिध्वनि दिने ताल निकालेका छन् ।
भारतीय चर्चित निर्देशक विशाल खरातले निर्देशन गरेका उक्त भिडियो नेपाली दर्शकको लागि खास बन्न सक्छ। निर्देशक खरातले कथावाचनलाई उत्कृष्ट रूपले पस्केका छन् ।
गीतको भिडियोलाई आलोक शुक्लाले छायाङ्कन र विशाल खरातले सम्पादन गरेका छन् । भिसी स्टुडियो, मुम्बईले अनलाइन व्यवस्थापन गरेको भिडियोको ग्रेडिङ सीएएच फोर स्टुडियोले गरेको छ ।
फुल सर्कलको प्रस्तुति रहेको यस गीतको भिडियोमा ईश्वर बल्लभ उप्रेतीको निर्माण संयोजक, प्रशान्त तामाङ र ईश्वर बल्लभ उप्रेतीको कोरियोग्राफी रहेको यस गीतमा गायिका सोना अमात्य, चर्चित र्यापर गिरिश खतिवडा र तीव्र र्यापरको बुलेट फ्लोको अभिनय देख्न सक्छौ ।
सोना विशेषतः पप, लोक, शास्त्रीय, आधुनिक गायनमा परिचित छिन् । गीतको कथाले सबै भित्रको जन्मजात सुपरस्टारलाई जोड दिएको छ । गीतले दर्शक श्रोतामाझ प्रतिध्वनि गर्नेमा गायिका सोना विश्वस्त छिन् ।
गीतको भिडियोलाई सोना अमात्यको अफिसियल युट्युब च्यानल बाट सार्वजनिक गरिएको छ ।
हेर्नुहोस् गीतको पूरा भिडियो :
मकालु खबर
